AiLaket!! gure ingurunean konzientzia aldaketa eragiteko sortutako
elkartea da, gure nahia, drogen erabilera ekologikoa bultzatzea izanda.
www.ailaket.org drogen erabileraren inguruko informazio, komunikazio
eta topaketa gune bat da, droga erabiltzaile zein beste eratako elkarteei
zuzendua (kazetariak, hezitzaileak, teknikariak...) eta drogen erabilerak
sortaraziko plazer zein arriskuak ikuspuntu ekologiko batetik lantzeko
dugun politika ezagutzeko interesatuta daudenei.
Hemen, elkarte bezala aurrera daramatzagun ekimenei buruzko informazioa
ere aurki dezakegu: info eta analisien standak, hitzaldiak, materialen
eraketa, eztabaidaguneak eta gaua eta aisialdiarekin zerikusia duen
hainbat informazio.
AiLaket!!, ingurune ezberdinetatik etorritako droga erabiltzaile zein
erabiltzaile ohiak osatzen dugu (diseinu, kimika, dj, soziologia,
informatika, musika...) gaua, aisialdia eta drogen inguruko munduarekin
lotuak.
Droga legalak zein ilegalak hartzeko erabakiaren aurrean, gure jokabidea
errespetuarena da, jarrera neutrala hartuz eta ez morala. Gure ustez,
drogak erabiltzeko hartu behar den erabakia norberak hartu behar du,
eta pertsona bakoitzak, gai psikoaktibo bat (legala nahiz ilegala)
erabiltzerakoan, honen arrisku zein plazerrak era ekologiko eta egoki
batean egiteko gaitasunean sinesten dugu.
Garrantzitsua deritzogu, erabiltzaileok gure egoeraz jabetzen joateari,
eta gizartean droga ilegalen inguruko gai eta eztabaidak beste ikuspegi
batetik ikus daitezen saiatzea, errespetuz eta era errealago batean
alegia.
AiLaket!!ek ateak zabaltzen dizkio edozein arraza, ideologia zein
sexu jokabidea izanda ere, gure ekimenetan parte hartu nahi duen edonori,
eta lan egiten dugun esparruetara hurbiltzeko gonbitea luzatzen dizuegu.
|
